АДАПТ төсөл Ховд, Завхан, Дорнод, Сүхбаатар аймгуудын 68 суманд үйл ажиллагаагаа хэрэгжүүлж байна.
АДАПТ төсөл нь байгалийн нөөцөөс хамааралтай уур амьсгалын өөрчлөлтөд дасан зохицох чадамжийг дээшлүүлэх зорилгоор Ховд, Завхан, Дорнод, Сүхбаатар аймгуудын 68 суманд үйл ажиллагаагаа хэрэгжүүлж байна.
Төслийн зөвлөх багаас “Экосистемийн үйлчилгээг тооцох” судалгааны ажлын арга зүйг салбарын хүмүүс, эрдэмтэн, судлаачдад танилцуулж, санал авах хэлэлцүүлгийг өнөөдөр Байгаль орчин, аялал жуулчлалын яамны “Хаан” танхимд зохион байгууллаа.
Хэлэлцүүлгийн дүнд зөвлөх үйлчилгээний багийн боловсруулсан судалгааны арга зүйд оролцогчдын саналыг тусган, төсөл хэрэгжих 4 аймгаас сонгож авсан Дорнод, Ховд аймгийн хэмжээнд тус арга зүйгээр экосистемийн үйлчилгээний үнэ цэнийг тооцох судалгааг гүйцэтгэх юм.
Хэлэлцүүлэгт Байгаль орчин, аялал жуулчлалын яам, Хүнс, хөдөө аж ахуй, хөнгөн үйлдвэрийн яам, салбарын эрдэмтэн, судлаачид, холбогдох төсөл хөтөлбөр, байгууллагуудын 30 гаруй төлөөлөл оролцлоо.